Якстере теште/1924/19/А монь а сонзо
| ←Те седе дешува | Якстере теште, № 19, 1 июля 1924 г. edited by Васильев, Тимофей Васильевич А монь а сонзо by Сынцист велинь ломань |
Сибирстэ сермадыть→ |
| Якстере теште. Еженедельный орган Мордовской секции при Ц. К. Р. К. П. (б.). — № 19, 1 июля 1924 г. — с. 2 |
| А монь а сонзо. |
Ташто Дема велисэ эресть Микишкань Пета атя бабанзо марто ды цераст Дрига атят-бабат. Кулось Дрига, мельганзо кулось авозояк. Пета атя сайсь од козийка. Дриганиза эзь ладя, явсь. Зняро тензэ сатоць парочись, — саизе и тусь. Курук Пета атяяк кулусь и кадувсь кудунтень ськамонзо од авась — Петаниза.
Кортызь ломать Дригань козийканзо, что наследствась сонзо, сон и совась мекив кудунтень. Пета баба максызе тевинть судс и судусь судизе веси парочинть сонензэ. Ваны Дриганиза, что сонензэ тестэ туимс эряви и мере:
— Коли истя, так а монь а сонзо улизэ кудусь.
Кармавтызе тейтиринзэ 11 иесэ кирвастимензэ кудунть. Те пожаронть эйстэ палцть: 43 кудут, 45 кардазт, 4 утомт, 2 одиньят, 10 сюва кардот ды одинька пиреть.
Палыця ломатне получесть страховка. Сынь максть агентнэнень подписка, что кудутнень кармить ней вельтниме кона кшнисэ, кона тёссо, кона олгсо сёвонь марто, а стенатнень кавто пельде ваднимс сёвоньцэ.
Пароль бу тейме истя, те уливель бу миник велисэ од тев.
Сынцист велинь ломань.